Pages

Muslim Ummat ke Masail ka Hal Allah ke raste ki Qurbani Hai

Qurbani-tamaam pareshaniyoun kaa ilaaj hai

(Umoomi bayaan )

(Dhaaka mashriqi paakistaan men hazrat maulaanaa  mohammad yousuf saahab(R A) ki taqreer)
Mere bhaiyou aur dosto:
Dunyaa mein jitney bhi musalmaan hain woh sab ke sab apni jaghon par pareshan hain aur aaj dunyaa mein kahin aisi aqliyat aur aksariyat nahi ke chand sau musalmaan hon, majmooei  taur par ghair muslim saaree dunyaa ke musalmaanon se do gune hain – bahut badee aksariyat men hukumaton ,  faujon aur asbaab-o-wasaail  ke saath musalmaan hain aur maadee taur par chamakne ke saare saamaan maujood hain, lekin uske baawajood har jagah ke har tabqaa ke musalmaan pareshaan hain.

muslamn ki preshaniyoun ki wajh
pareshaani in sab ke liye ek shu-aar ho gayee -  pareshaniyoun ke ehsaas ke tareeqe mukhtalif hain.
kuch dinee nuqtaa-e-nazar se pareshaaniyoun ko qeyaas karne waale hain –
Tijaarat , ziraa-at,  san-at, hukoomat ke eitebaar se  bhi pareshaaniyan sochi jaa rahi hain  aur har tabqa mein pareshaani  se nikalne ki tadbeerein ki jaa rahi hain –  riwaaj ke mutaabiq jo samjh mein aaye uska ilaaj karnaa chaahte hain –riwaaj ke eitebaar se tareeqe ikhtiyaar karte hain  jo mazeed pareshaani kaa sabab bante hain –
Aaj mehnaton kaa rukh haq taalaa shaanahu ke madad ke usool par nahi , balke  un ko chhod kar riwaaji tareeqon par hai , haq taalaa shaanahu musalmaanon ki aankhen khol deen  aur wo riwaaj par se mehnaten hataa kar  Allah ki madad ke usoolon par le aayein to ye waadah hai
: کم من فئتہ قلیقلۃ غلبت فئۃکثیرۃباذن اللہ           
kitni kitni chhoti jamaatein badee badee jamaton par ghalib aajayen aur unke muqabil ko ghutne tekne parein ,
chhoti jamaat se jis waaqia ki taraf se ishaarah hai  us mein 313 the ,
hazrat ibraahim alaihissalam ke saath bhi 313  the aur hazrat mohammad sallallahu alihi wasallam ke saath teen 313 the  hunain mein taadaad sau se bhi kam hai , sau jo the woh 12000 par ghalib hain , hadees shareef mein aaya hai ke  12000 aqliyat hone ki wajah se maghloob nahi honge aur wajoohaat se barah karod  bhi maghloob ho sakte hain  woh wajoohaat jin ki wajh se maghloob honge who rewaaji tareeqe hain , hamaraa aslee kaam rewaaj se nikal kar aslaaf ke tareeqe par qurbaani denaa.
ham to honge qurbaan aur doosri ki zindagi banegi – hamaari kaamyaabi hogi ke  hamaari qurbaani ummat-e-mohammadya sallallaahu alaihi wasallam ke pareshaaniyoun se nikal kar jaane kaa sabab ban gayee – hazrat ibraahim alaihissalam aur hazrat haajrah alaihis salam aur hazrat ismaaeel alaihissalam ki qurbaani par ummat-e-mohammadyaa sallallahu alaihi wasallam ka wajood ho gayaa ,yahi unki kaamyaabi hai hazrat mohammad sallallaahu alaihi wasallam  ki kaamyabi kiya hai aur unke saathiyoun ki kaamyaabi kiyaa hai ?
hazrat ibraahim alaihissalam ne jo kuch ummat ke liye qurbaani de kar Allah se maangi thi unhon ne qurbaani dekar aisi ummat kaa wajood karaa liyaa –   jo ummat wajood mein thi hi nahi _

pareshaaniyoun ke khaatmaa ki soorat kiya ?
aur pareshaaniyoun ke wajood me aane ke asbaab kiya hain ?
hazrat mohammd sallallahu alaihi wasllam ke usool-e-zindagiyoun se nikal gaye is waaste ham pareshaan ho rahe hain naa zindagi mein usool , naa ilaaj mein usool jitni mehnat badhate hain utni hi be usoolyan karte hain - jitni hi be usoolyan badhengi  itni hi pareshaaniyan  badh rahi hain , aaj mehnat karne se maslaa aur ziyaadah ulajh rahaa hai jaise shikaar jaal ke andar jitnaa phud phudataa hai  aur ziyaadah phanstaa hai ham ko pareshani se nikalne ke liye ziyaadah aadmi nahin thode aadmi darkaar hain –
qurbaaniyoun ki kuchh seedhyaan hain  ek aadh  maslaa mein  qurbaani denaa ye qurbaani kaa mafhoom nahi hai asal ye hai ke tamaam maslon mein qurbaani ki tamaam seedhiyon se guzar jaanaa aur us ki chhat par pahunch jaanaa agar sau yaa teen sau terah bhi pahunch jaayenge to tamaam ummat ki pareshaani door ho jaayegi woh aadmi jo har seedhee ko par kar jaayen dar kaar hain – hamaare kaam karne waale youn sonchte hain ke wo teen chille de dein         halan ke  teen chilla to qurbaani kee pahlee seedhi hai  qurbaani mein taraqqi  kaise hogi jo aadmiyoun ne qurbaani par qadam uthaaya hai un ka har agla qadam unko mazeed qurbaani par daal de _
jitni qism ki pareshaaniyan aur mushkilaat saamne aati hain itne qism ke eitebaar se  intezaamaat saamne aate hain  qurbaani ke baad qurbaani kaa mutalbaa aur qurbaani ke baad jo mushkil aayee uskaa hal ye ke mazeed qurbaani dein , ye saari  dunya masaaib-o-hawaadsaat aur pareshaaniyoun kaa hal hai har kaam karne waalaa ye sonche ke mujh ko qurbaani ki choti par pahunchnaa hai wo ummat-e-muslimaa jin ki pareshaaniyoun ke tasawwur  se aap sallallaahu alaihi wasallam roye hain aaj woh hamaare saamne pareshaan hain  aur hamaaraa qurbaan ho jaanaa ,is ummat ki saari pareshaaniyoun kaa ilaaj hai –
Aap sallallaahu alaihi wasallam ke saamne ek chor laayaa gayaa Aap sallallaahu alaihi wasallam ne farmaayaa iske haath kaat do, aur aap sallallaahu alaihi wasallam  ka chehraa zard ho gayaa jaise khoon hi nahi hai aur aankhon se aansoo bahne lage_
Sahaabaa ne arz kiya aap pareshan hain  aap sallallaahu alaihi wasallam ne farmaayaa  haan  mere ooper ye kiyoun naa shaaq guzre ke tum sab ke darmiyaan me mere ek ummati kaa hath kaataa jaa rahaa hai arz kiyaa phir aap hukm naa dete – farmaayaa woh bad tareen hakim hai jiske saamne khudaa ki h ad pahunche aur woh usko pooraa naa Karen- tum ne apne bhaai ki madad na ki ,  ise mere paas kiyoun laaye , tumne khud hi inko kiyoun naa samjhaa liyaa ,tumne shaitaan kaa saath diyaa , jis nabi-e-paak sallallaahu alaihi wasallam ke dil mein ummat ke chor ke muta-alliq ye kheyaal ho ,  to poori ummat ke baare me kitnaa kheyaal hogaa, jab chor tak par ye raham hai to unke dil ke andar unki ummat har haalat mein gheer kiye hue hain  woh apni ummat ke har aadmi kaa bhalaa chahte hain fasaaq ka bhalaa chahte hain  zindagi poori qurbaani mein guzaar dee _
Goyaa unki zindagi ke saare masle qurbaan hue hain  apne mota-alliqeen ke maslon ko qiyaamat tak ke liye qurbaan kar diya ,  jo hamse  mohabbat kare  woh balaaon ke liye taiyaar ho jaaye jis tarah  koi cheez pahaad par se phenki jaaye ,isi tarah har mohabbat karne waale par balaayen aati hain ,   musalmaano mein mustaqil aamd ki soorat zakaat hai ,  aur aaj hukoomatein tak is laalach mein hain ke zakaat ko lekar kharch Karein lekin huzur sallallaahu alaihi wasallam qiyaamat tak ke liye apne ghar waalon ko is se mahroom farmaa gaye –
Hazrat haaris(R A)  aur hazrat abbaas(R A)  donon ke bachche jawaan hain  aur shaadi ke liye maal ki zaroorat hai donon ke baapon ne apne beton ko zakaat ke shobon me kaam karne ke liye pesh kiya ke inko bhi kaam karne se kuchh mil jaayegaa -  baat kaan men padte hi aap sallallaahu alaihi wasallam ne chhat par nigaah daali , aur chup chaap bahut der tak sonchte rahe   youn sonch rahe honge ke ye ummat-e-saiyadon ko too kiya degi  ek zakaat thi wo bhi band kar ke jaarahaa hoon –  woh farmaate hain  ke aap sallallaahu alaihi wasllam ne itni khaamoshi ikhtiyaar ki ke ham samjhe ke huzur sallallaahu alaihi wasallam  jawaab hi na denge -  woh jaane lage  to  hazrat umm-e-salmah(R A)  ne unko rokaa  aur khams men se unko kuchh de diya  aur waheen unke nikaah karaa diye – unki  badaulat logon ne maze ki zindagiyaan guzaari hain lekin khud unko kuchh nahi milaa-
Damad ko kahgaye ke apnaa gala katwaa denaa  lekin teri wajah se kisi kaa gala na kate-  hazrat usmaan(R A)  par faaqaa pad rahaa hai  piyaas see buraa haal hai logon ne kahaa muqablaa kar ke dushmanon ko khatam kardein  Aap(R A)  ne farmaayaa meri wajah se kisi kaa gala na kate – biwee ko paani ke liye bhejaa khud rozah ki niyat kar lee , hazrat usmaan(R A)    ko khaab mein ziyaarat huee  arz kiyaa ke huzur sallallahu alaihi wasallam aap ki ummat ne pareshaan kiyaa hai main ne bahut takleef uthaayee ,  Aap sallallaahu alaihi wasallam ne farmaayaa bas ab hamare paas aajaao -  ek raat ko khaab dekhaa aglee raat ko shahaadat ho gayee , Aap ko maaloom  hai meri ummat ameeron ke saath kiyaa karegi   lekin huzur aqdas sallallahu alaihi wasallam  barabar ummat ke liye qurbaaniyan karte rahe-
Arfaat mein duaa maangi pahle nabi aate rahte the shaitaan se muqaablaa hotaa rahtaa thaa ab nabi nahi aayega shaitaan ke panjaa mein phans na jaaye meri saari ummat ki maghfirat kar de duaa qubool kar lee , saari ummat ki maghfirat kar dee, sewaaye zaalim ke -  Aap phir duaa karte rahe ke zaalim ki bhi maghfirat kar de  muzdalfaa ki raat  woh duaa bhi qubool ho gayee –
Do maslee hain ek meraa ghar , ek hazrat mohammad sallallaahu alaihi wasallam ki ummat , agar saari ummat kaa  mslaa ghar ke baraabar bhi  nahin to ye deen kaa kaam kiyaa karega –  apne ghar waalon ki bhook ki wajh se maaraa maaraa phir rahaa hai -  aur ummat ki koyee fikr nahin -  ek to hai qurbaani denaa aur ek hai qurbaani ko mokammal karnaa aur apni zindagi ko takleef mein daal denaa , jab deen ki mehnat karoge to ek to kaam ke taqaaze honge aur ek ghar ke taqaaze honge – qurbaani ye hai ke mehnat karte rahein – apne jitney taqaaze aate rahein  aur uske liye  jitni shaklein sooratein saamne aati rahein  unke ooper thook kar deen ke liye qurbaani dete chale jaayein-
Hazrat ibraaheem alaihissalaam ki zindagi uthaa kar dekho , insaan ke apne jitni qism ke masle hote hain aur unke eitebaar se insaan jo kuchh karnaa chahtaa hai us sab ko chhod kar woh kar rahe hain , jo khudaa taalaa chahte hain  susaitee  aur maqaam  qurbaan hue – sham ko chhodaa qaum ko chhodaa bachche kaa aur bachche ki shaadi kaa maslaa bhi qurbaan huaa _
Kaamyaabi ki soorat kiyaa hai ?
Ye ke tum ummat ki tamaam pareshaaniyoun kaa hal is kaam mein samjho  ifteraaq paidaa hogaa qurbaani ki kami se ijtimaa tootega qurbaani ki kami se har waqt jo zarooraten aayengi agar woh poori na ho saken to iski wajah se niklegi ,         qurbaani ki kami choti par woh pahunchega jo ye sonch kar qurbaani karega ke meraa mauzoo hai ke main qurbaani ki is shart ko pooraa kardoon jo is ummat ko masaaib se nikaalne ke liye zaroori hai ,  isee par pooraa maashirah badal jayega_
Maal waale , hukoomaten ,taajir ,  ameer yaa aksariyat kabhi bhi sabab nahin  banenge -  ummat ki pareshaaniyoun ke khaatmah kaa sabab woh banegaa jis ne apne ohde apni izzat apne  aazaa-o-aqaarib  apne dost-o-ahbaab  apnaa maal apni jaan qurbaan karnaa aajaayegaa-  ye sabab banega maal waalon hukoomat waalon ki pareshaaniyoun ke door hone kaa-
Qurbaani ki  bunyaad mehnat ke raaste hain – doosre ke mosibaton se nikalne ke liye apne ko mosibaton men daalne ki bunyaad par ek kaam hai  uski bunyaad qrbaani par hai  maal-o-jaah raahat  aaish  jitney masle ghar walon ke hain woh yahan qurbaan hain  shaabaa(R A)  ke andar bade darjah waale jo hain woh apni har shaq ke eitebaar se khoob qurbaani waale hain ye nabyoun ke shobon ke inssan hain jin ki takleefen uthaane  ki wajh se ab tak ham chal rahe hain , hamaara wajood unko qurbaaniyoun par h ai lekin haq taalaa shaanahu  qurbaaniyoun ka tasalsul chahte hain taa ke ummat ki mushkilaat door karte jaayen hazrat ibraaheem alaihissalaam ,hazrat ismaaeel alaihissalam ,hazrat yousuf alaihissalaam un sab ki tarah qurbaani dene waale hain – hazraat-e-sahaabaa keraam®ummat kaa wajood to hai aur qeyaamat  tak chalegaa lekin is ummat ko mosibaton se nikaalne ke liye Allah paak ne qurbaani ko shart qaraar diyaa hai –
Hukoomat men jo ahkaam hain -  agar Allah taufeeq den aur woh un ahkaam ko pooraa kar den qurbaaniyan de kar to in hukoomat waalon ki pareshaaniyan door ho jayengi  hukoomat aur taaqat se nahi balke qurbaani se hoor hongi  qurbaani kaa ek zarrah bhi hogaa to itnaa ziyaadah milegaa  ke aap hairaan rah jayenge  ke khudaa ne kiyaa de diyaa – lekin masaail  zarrah bhar qurbaani se hal nahin honge – is ke liye poori qurbaani deni hogi – baatil to chaltaa hai khaahishaat ke pooraa karne ke saath aur haq chaltaa hai khaahishaa ki qurbaani ke saath _
Quraan paak ki ek aayat hai jiska tarjumaa ye hai _
Insaanon men auraton ki maaliyaat ki saaz-o-samaan ki shahwaat hain  baatil zindagi to usse chalegi ke auraton ke haasil karne me khoob mehnat Karen -_
Hadees shareef men aata hai ke jannat ki auraton ko chaahe jitnaa kapdaa pahnaa do , unkaa husn nahin chhupegaa , inse to ye nahi ho sakaa kapde pahanne waaliyan sangiyaan bana den , baatil to is se chalegaa k eek mint ke liye bhi isko malaal na pahunche – baatil auraton men lagaayega unki lazzaat me lagaayegaa – baatil to maal se auraton se dokaanon se jaaidaadon se badhegaa  lekin haq taalaa shaanahu hain _
"ابنئکم بخیر من ذاٰلکم "
          Kiyaa hain is se behtar baat na bataao  woh ye ke dunyaa ke aaish ko aur shahwaton ke poore hone ko tum aakhirat par daal do -  aur yahan thode se mahnati aur muttaqee ban jaao jis tarah sahaabaa keraam(R A)  ne saaree khaahishaat chhod deen-  aam log hazrat umar(R A)  ke zamaane ko fatoohaat aur maal ke liye yaad karte  hain jab qaanoon bantaa hai to uske aaish par nigaah jaati hai aur teks lagtaa hai to hazrat umar(R A)  yaad aate hain lekin woh aur doosron ki shahwaton ko pooraa nahin karte the – hazrat mohammad sallallaahu alaihi wasallam  ke ahkaamaat  ke saath ek baat  chahnaa aur poori karnaa to hai taqwaa-  aur unke ahkaamaat ke khilaaf aur baat chahnaa fisq hai ,  hazrat umar(R A)  ke daur men kiyaa hai? Khood muttaqi bane aur jis haath men lagaam dee use bhi muttaqi banaa diyaa -  governaron  ki pitaaiyaan ho rahi hain -  muttaqi banne ke paanc  (5)  juzw hain –
       1.       saabireen ; yaani khaahishaat par sabr karne waalaa
       2.       saadqeen ; yaani pahle ke naqshon par poore utarne waale    aur har waqt ki takmeel karne waalaa ban jaanaa aur uske muqaabil ki khaahishon ko qurbaan karnaa
  3.     qaaniteen; yaani jaan dene ke ahkaam ko bajaa lanaa
4.   munfaqeen;  yaani maal den eke ahkaam par poore   utarne   walaa
5.   mustaghfireen;  yaani gunaah na karnaa aur apne ko gunaahgaar qaraar dekar maafi maangnaa.
 Ye hi muttaqee hai . is kaam ko phailaao ek iskaa gahraao h ai  jinhon ne apne ko is kaam men lagaayaa hai unkaa qurbaaniyoun ke naqshe par pooraa  utarnaa,  jadon ke saath phalon tak kaa raabtaa maujood hai ,   qurbaaniyaan  rang laayengi – ek kaam hai  aur ek kaam karne waalon ki qurbaaniyaan hain ,  log samjhte hain  ke kaam se islaam zindah ho jayega , khaahis ko pooraa karne waalaa to qurbaani kahan huee -  qurbaani na huee to deen kahan hai  aur deen nahin to masaaib  kaise door honge – raahaton men qurb nahi hai , takleefon men qurb hai  Allah aur uske rasool sallallaahu alaihi wasallam ka _
Ek qurbaani denaa hai  aur ek qurbaani dete rahnaa – qurbaani dene par daakhil jannat hoga – aur qurbaani dete rahne par asal faisle honge انفروخفافاًوثقالا "
   Ke tarz par qurbaani karnaa  main lakhon karodon ko nahin kahtaa unke baare men to faislaa karaane hain  faisle karaane ke liye chand senkdon ki zaroorat hai -  hamaari maut qurbaani par aaye , khaahish par na aaye , qurbaani hi se banglaa ki naueiyat sahih sahih paidaa hogi , qurbaani paidaa hogi to ekraam hogaa  jahaan jaanaa chaahen wahaan pahunchenge chaahe ghar waalon ko jitni takleefen pahunchen,  ham pooraa waqt denge jitni zaroorat ho,  qurbaaniyoun ke beghair rang nahi laayega ,  kaam soorat aur iski seerat iski taaqat ghaibyaa is kaam ke zel men qurbaani dena hai -  taaleem ke waqt men taaleem karni hai tasbeeh ke waqt tasbeeh , gasht ke waqt gasht karnaa hai , chaahe kuchh ho jaaye  jab tum is kaam ke karne ke baad is kaam ke qubooliyat ke sharaait ko pooraa karoge to faisle honge –
Jin ki khajooron par saare arb ki mehmaani huee jin ki zameenon par saare mohaajir aakar thahre  , jinke gharon men saare arb aakar thahre  aur huzur aqdas sallallaahu alaihi wasallm ki paak biwyaan raheen unse youn kah diyaa ke tum ko milegaa hauz-e-kausar par –
Ghuroor men aajaanaa ke ham men taaqat hai ham ye karenge maut kaa aajaanaa hai  hunain ke waaqiaa men tarbiyat hai  , hunain men qabeelaa hawaazan ke saath takkar hote hi sab bhaage , sirf baarah (12)  rah gaye  un men akaabir-e-sahaabaa(R A)  hain -  ab hazrat abbaas(R A)  se kahaa ke oonchi aawaaz se یا معشرالانصا  یا معشرالانصار   kaho  -  ansaar daude aaur sau aaye -  barah sau (1200)  ko bhagaa diyaa sau ke zariye se ye batlaa diyaa ke karne waalla main hoon , maal bahut saa aayaa taqseem mein saaraa makkaa waalon ko de diyaa -  ansaar ko kuchh nahin milaa,  us waqt ansaar par kiyaa guzree hogi ke kaam to Karen ham , aur maal diyaa jaaye doosron ko –
Hazrat  sa-ad bin oobaadah®aaye aur kahaa ke meri qaum kiyaa kah rahee hai -  jab ladaayee ka waqt aaye to Ae ansaar ; Ae ansaar: aur jab taqseem kaa waqt aaye to aa meri qaum  aa meri qaum -  farmaayaa kiyaa kahte ho. Kahaa main bhi qaum ka ek fard hoon ye farmaayaa qaum ko jamaa karo -  chunanchah qaum ko jamaa kiya , Aap sallallaahu alaihi wasallam ne farmaayaa  Ae ansaar ; kiya tum ye pasand nahin karte ke ye log apne gharon ko maal lekar jaayen aur apne gharon ko Allaah ke rasool ko lekar jaao -  Aap sallallaahu alaihi wasallam bhi bahut roye aur sahaabah (R A)  ko bhi khoob rolaayaa Aap sallallaahu alaihi wasallam par kiyaa guzarti thi Aap bahut der tak rote rahe  Ae ansaar ; log mere ooper kaa lebaas aur tum mere andar kaa lebaas ho ,  andar kaa lebaas hifaazat ka hotaa hai ummat ki hifaazat tum se hai aur meraa ziydah qurb tumhaare saath hai agar ansaar ek waadee mein chalenge  aur log doosree waadee mein chalenge  to main ansaar waalee waadee mein chalunga –
Aap sallallaahu alaihi wasallam  ke saamne tha ke mere ansaar ke oopar mere baad kiyaa guzregi , ehsaan kaa ehsaas aur uskaa badlaa jitnaa Aap de gaye  itnaa makhlooq mein koyee de nahi saktaa-  Ae Allaah ansaar ki maghfirat farmaa, inke beton , poton aur ghulaamon ki maghfirat farmaa –
Gharz khoob kaam karnaa aur aakhirat mein lenaa ye unkaa mizaaj banaadiya tha -  farmaayaa ke mere baad maal mein doosron ko tumhaare oopar tarjeeh dee jayegi -  banee qareezah waghairah ke maal ki taqseem aayee huzur aqdas sallallaahu alaihi wasallam ne farmaayaa ye zameen doosron ko de do – tum ne jo diyaa hai woh waapas le len ya sab mein baraabar taqseem kar lein -   na ye lete hain na waapas lete hain  hamaaraa Aap kaa maamlaa jannat par hai ham jo kuch Allah ke naam par de chuke woh de chuke , wapas nahin le sakte ab jo aayaa hai use mohaajreen ko dilaa dijyee -  ansaar aao jee aao jee  jo mangoge  main Allah se kahunga aur jo Allaah se kahunga wo de denge – phir unhon ne mashwarah kiya aur kaha hamein to aakhirat mein chahiye  maghfirat ki duaa farmaa dijye  jo musalmaan ke intehaayee urooj ka waqt tha -  us waqt ansaar ke gharon mein faaqe pad rahe hain – log doosron ki qurbaani karne ko qurbaani  kahte hain aur woh qurbaani apni zaat par hai -  eemaan aur eemaan ke tareeqon ko qaaim kar ke dikhlaa do -  apne masaail ki qurbaani ke saath qurbaani ki lambi chaudee kitaab hai .  har moqaa par jo kaam karnaa chahiye woh kaam karnaa aur apne masaail ko qurbaan karnaa qurbaani ki ek aadh shaq nahin hai , is kaam kaam ke bade usool hain  bade nazaakatein hain  agar doosre shobon ko youn kahdein ke inki zaroorat nahi to ye baat adaawaton kaa sabab banegi -  aur agar youn kahdein  ke ye sab zarooree hain Allah sab ko chaladein aur jin qurbaaniyoun par ye chalte hain un qurbaaniyoun par ye chalte hain  un qurbaaniyoun ki hame taufeeq dein to ye baat mehnaton ka sabab banegi zubaan ki zaraa see bad unwaani bade bigaad kaa sabab ban sakti hai , apni apni jagah ki thodee thodee deendaari  par dhoke mat khao -  laa deenee aur alhaad ke toofaan aur jaghon se uth rahe hain jahan se tauheed-o-irfaan ke samundar  chala karte the -  aaj shaitaan ki ma-aashirat chal rahi hai  jahan se hazrat mohammad sallallaahu alaihi wasallam ki ma-aashirat  chali thi-
Aap sallallaahu alaihi wasallam ne apni aankhon se shaitaan ko dekhaa hai -  Allah rabb-ul-izzat ne farmaayaa ye meraa khaleefaa hai  ise nawaaztaa hoon ise sajdah karo  , usne aazaaz waalaa nahi samjhaa -  shaitaan ke dhatkaare jaane ki wajah se  insaan hai , nawaaze hue ke saath mil jaaye to chalo iskaa qasoor maaf kardein nahi . farmaaya jo tere saath mil jaayega to teri tarah dhatkaaraa huaa ho jayegaa , ye aap ki hayaat nahin chahtaa -  aap ke gharon ke andar aagen lagwaanaa chahtaa hai – huzur aqdas sallallaahu alaihi wasallam ne chaubees (24) ghante ki ma-ashirat men shaitaan se bachne ke tareeqe batlaaye hain ,  paakhaane men jaao ye bad felyaan karta , jangal men jaao ye logon ki be pardagi ke liye laata hai , iske liye farmaayaa ke pardah ki jagah jaao warnaa ret ki mander banaa lo  aur ye duaa padh lo –   soya karo to aag aur roshni ko bujhha kar soya karo taa ke shaitaan aagon ko tumhaare gharon ke andar lagaane kaa zariaa  ba banaaye –
(Khaane par ek aadmi aur ek ladkee ke aane kaa waaqiaa)
Farmaayaa khudaa ki qasam in dono ke hathon ke saath main ne shaitaan ko bhi pakdaa hai -  kayee sahaabah® kaa waaqiaa raat ko shaitaan ko pakad liyaa,  choree kar rahaa thaa hazrat abu hurairah waale waaqiaa men dadqaa ki khajooren hain -  aur ibne abi ka-ab(R A)  ke waaqiaa men zaati khajooren hain hazrat abu hurairah(R A) waale qissa men hai ke Aap ne subah ko daryaaft kiya ke raat ko tumhaare qaidee kaa kiyaa huaa?   Kahaa huzr sallallaahu alaihi wasallam ahd kar gayaa hai  ab nahin aayegaa , farmaayaa jhoot boltaa hai  ab ke phir aayegaa , phir pakdaa , kahne lagaa aayatal kursee padh liyaa karo shaitaan nahin aayegaa, farmaayaa hai too jhoota ,  lekin baat sachchi kah gayaa hai , khaane men shareek hotaa hai ke shaitaaniyat kaa madah paidaa ho jaaye  aur khan thoda ho jaye ghar ke kewaad bismillaah kah kar lagaayaa karo , to shaitaan tumhaare ghar men daakhil nahin hogaa—
Ek qism insaanon ki aisi hai jo shaitaan aur insaan ke mushtarik nutfaa se taiyar hoti hai sooratan insaan aur khaslat-e-shaitaan- shaitaan ki ek ma-aashirat hai aur huzur aqdas sallallaahu alaihi wasallam ne uske muqaable mein apni muaashirat  ko khadaa kiya shaitaan ki muaashirat  ki bunyaad aurat aur maal ke naqshe hain  aurat atr wo lagaaye jiski khushboo  na ho rang milaa ho jo aurat apne ghar ke ilaawah saj kar nikle ,woh aurat zaaniya ke hukm mein hai_
Saahab kiyaa karein ,biwee nahi maanti , nikaah aise ho , makaan aisaa ho , biwee oopar baithi huee hain woh qaum kabhi falaah nahi paa sakti jo apne maslaa par auraton ko ghaalib kar de har mulkon men mukhtalif jaghon mein auraton ko bathaana ye khud apne pairon par kulhaadee marnaa hai shaitaan chahtaa hai ke aurat jis ke zariye  janant se nikaala hai  aage bhi aurat hi ko istemaal  kare k eek aurat se hazaaron ko dozakh mein pahunchadein -   farmaayaa jo do mard-o-aurat ek jagah ekaththe hon to teesraa shaitaan wahaan hogaa -  bhaiyoun khaandaanon , qaumon ki ladaayee laataa hai  aurat aur maal ke raaste se lebaas mein muqaablah , ghaza mein muqaablah auraton ke zariye se ye muaashirat  ki jo be deeni hai  aap ki namaaz rozah taaleem ko khatam kar degi , shaitaan aise muaashirah ko uthaataa hai  ke saaraa maal apne aap lage -  huzur aqdas sallallaahu alaihi wasallam  uske muqaable mein ek muaashire laaye hain -  muaashirat ki be deeni jis jagah par aayegi baaqi saare deen ko le kar doob jayengi , ab masle ye hai ke qurbaani  do tab muaashirah badlega , haj mein tark-e-watan hai , zakaat mein maal kaa kharch karnaa hai  saum mein shahwaat ko dabaanaa hai  -
Namaaz mein khaahishaat aur tafakkuraat ko roknaa hai  unki bunyaad kaa muaashirah uthega unaasir arba-ah se kamaayee kaa naqshah taiyaar karo , yaani zakaat kamzor hai ,   kutte aur suwaron ki see  muaashirat ki tarz par chale jaarahe hain, hazrat mohammad sallallaahu alaihi wasallam jaise khair khaah  ki muaashirat mahboob na ho aur shaitaan ki muaashirat mahboobho , jab tak muaashirah kaa muqaablaa kataa rahaa musalmaan phaltaa phooltaa rahaa  aur jab muqaablaa khatam hogayaa to musalmaan bhi khatam hogayaa ,
 dushman asal kon hain?
Jiskaa mauhid bannaa mumkin nahi -  kaafir aslee dushman nahin , unkaa har waqt imkaan hai ke kalmaa padh lein aur mauhid ho jaayein,  ye to dushman ke saathi hain is waste dushman ho gaye saanp itnaa dushman nahi jitnaa shaitaan dushman hai , abhi dushman kaa yaqeen nahi,  muaashirat ki taraf woh liye chalaa jaarahaa hai padh lo namaz behtaree dekhi namaaz , muaashirat kaa ek dhakkaa aayegaa  , to sab namaaz khatam ho jayegi , pahle jo toofaan aayaa, bahut kuchh khatam ho gayaa us se aglaa toofaan aayegaa ,  baaqi rahaa sahaa bhi khatam ho jayega -  shaitaan ki muaashirat mein ghibatein bohtaan hain , aibon ko uchhalnaa , thatthaa udaanaa  hai , phir kadoorton ke oopar daalnaa hai  aakhirat mein to nuqsaan hai hi dunyaa mein bhi nuqsaan hain  ,  muaashirat ke eitebaar se aaj kaa daur bad tareen daur hai , kutton soowaron ki taraf muaashirat jaa rahi hai aur ye nahi jaante ke chake ke andar zahar diyaa jaa rahaa hai , jo mahboob hain khudaa ki qasam unki muaashirat mahboob hai -  aur jo mabghooz hain unki muaashirat mabghooz hai aapas ki adaawatein aapas ki kadooratein bahut se raaston se aarahi hain hazrat mohammad sallallaahu alaihi wasallam ne aapas ki mohabbatein moodtein bahut see raaston se chalaayee thin -  hayaa waali muaashirat to khatam ho gayee maut waalee muaashirat  mein ham aagaye phirne bhi ,  qurbaani hogi phirne mein ,  kis tara phiro-  doosron ki riaayat ke saath , afhaam-o-tafheem ke saath phiro , uske andar haq taalaa shaanahu aisaa karein  aur nematon ke darwaaze khol dein , koyee aakar paanch laakh rope de use lagaao phir qurbaani do ke jee aap aakar lagaanaa  seekh lijye  phir khud chalaaiye.
Qurbaani dete hue mulk-o-maal par thokad maarte hue eemaan ki daawat ke liye mehnat karte hue apne jazbaat ko qurbaan karte hue har waqt niklo jis tarah apne jazbaat ko qurbaan karnaa padegaa -  doosron ki kharaabi mein wajah nikaal lo ,  islaam ki aur apni khoobi mein wajah nikaal lo apne kuchh na hone ki  hazrat umar(R A)   kah rahe ke khaalid(R A) ko maaro-
Hazrat abu bakar(R A)  farmaate hain ke nahin usne musalmaan samjh kar qatall nahi kiya hai , musalmaan qaraar na dene mein unkaa faislaa ghalat hai uski biwee se nikaah kiyaa raham kardo -  usne ghair muslim ki biwee  qaraar dekar nikaah kiyaa , faislaa mein ghalti ki to ye doosree baat hai-
Huzur aqdas sallallaahu alaihi wasallam ki ummat mein kharaabi aajaaye , to sab chhod dete hain apne bachche ko paakhaanaa ki wajh se nahi chhodte , ikhlaas aur ikraam-e-muslim kaa mafhoom agar apnaa wajood-e-giraami par kiyaa to khoob joota chalegaa -  jo apne ko niyat ke eitebaar se tatolegaa  ,  apni haisiyat ko apni nigaah mein giraa legaa -  jis ki huzur aqdas sallallaahu alaihi wasallam duaa mangte hain—
Ae mere rab too mujhe apni baargaah mein pasand farmaa le , Ae mere rab too apne liye mujh ko meri nazron mein zaleel rakh aur doosron ki mazron mein izzat waalaa kar de -  shaitaan isi mein to maraa , ke main ne itnaa kiyaa aur ye kal kaa bachchaa ,isko mujhse sajdah karaayen.
Tashih niyat kaa matlab sirf itnaa hi nahi ke jab amal karo to niyat sahih ho -  bat ye hai ke shuroo mein niyat theek ki jaaye aaur aakhir mein khud kharaab qaraar dee jaaye -  jo apni nigaah mein haqeer hogaa woh kabhi shohrat nahin chahegaa , karne mein sahih niyat kar ke karnaa aur karne ke baad apne aap ko giraa denaa ke main ne theek nahi kiya jab tum taalib ikraam ke banoge to khudaa tumhaaraa ikraam nahin karaayenge ,  balke dushman banaa lenge aur agar ikraam kraayenge to alqaaye shark e eitebaar se ikraam karaayenge –
Main kuchh nahi main kharaab hoon -  jo main ne kiya woh aisaa nahi kiyaa jo meri kahin pooch lein , poochhne ke qaabil nahin hoon- woh apne karam se pooch lein – main iski khidmat karun- taa ke khudaa iski wajah se ghaltiyoun ki wajah se , be unwaaniyoun ki wajah se muslim kaa ikraam karnaa mat chhodo ,  do nisbatein(2) hain ,
1-  ek to apne eemaan ki nisbat hai –
2-  aur ek hazrat mohammad sallallaahu alaihi wasallam ke ummati hone ki nisbat hai –
Zaroor jannat mein jaayegaa khaah woh sazaa ke bad jaaye aur chaahe karam kar ke shuroo hi mein pahuncha dein  main to unkaa ummati hone ki wajah se iskaa ikraam nahin kartaa to kiyaa ghussa n ahin kareinge, namaazi hone ki wajah se bhi ikraam karo -  khush ikhlaaq hone ki wajah se bhi ikraam karo -  aur kuchh nahin to musalmaan hone ki wajah se bhi ikraam karo-  aur apne ko niyat ke eitebaar se giraao aur doosre ko ummati hone ke eitebaar se ikraam kar ke uthaao -  apne ko apni nazar mein giraanaa sahih niyat hai , doosre ki ghalti nazar andaaz karnaa ikraam-e-muslim hai—
Hazrat umar(R A)  gasht kiya karte the , ek boodha tha usko uski baandi sharaab pilaa rahi thi  hazrat umar(R A)  kood kar andar gaye, – usne kahaa main ne ek jurm kiyaa hai  aur aap ne kayee jurm kiye hain - 
       1.       ek ye ke hukm hai ke be ijaazat kisi  ke ghar mein na jaao .     aap beghair ijaazat aaye.
       2.        ye ke salaam kar ke jaao ,  aap beghair salaam ke aaye hain.
       3.        ye ke darwaaze se aao , aap deewaar phaand kar aaye .
       4.           ye ke tajis mat karo , aap ne tajis kiyaa-
Hazrat umar(R A)  rote hue chal diye – darbaar mein kayee din baad nazar padee , takhliyaa mein bataayaa ke main ne usi din se chhod dee - 
zaid bin raqam(R A)  kiyaa pee rahe hain ?
yahi to hai tajis mere se gunaah ho gayaa iskaa kaffaarah kiyaa hai ?
iskaa kaffaarah ye hai ke is baat ko dekhne se pahle jo waq-at tumhaare dil ke andar thi , iski woh waq-at baaqi rahe -  ikraam-e-muslim ki baat ye hai ke apnaa to kisi par ek zarrah ke baraabar bhi istehqaaq mat samjho , ek doosre ke kaam aanaa to yahod-o-nasaaraa mein bhi mil jaayegaa – woh ek doosre ke saath nekyaan karte hain nekyaan lene ke liye -  jis baat ki wajah se aadmi chahtaa hai ke meraa ekraam ho – us wajah hi ko khtam kar do – ye bhi qurbaani hogi – sab kuchh lagaa diyaa – aur kuchh na talab kiyaa- eke k ki qurbaani laakhon ki mosibaton ke khaatmah kaa sabab banegi , ye cheezon kaa jaadoo khatam ho jaaye aur baatil toot jaaye iske liye qurbaani kee zaroorat hai -  uske aage kaa maslaa ye hai ke jo jitni qurbaani kaa aadi ho , usse aage ki satah par aaye –
ghazwaye ohad mein jab musalmaanon ke par ukhde hain -  sahaabaa(R A)   ne kahaa , is mein marnaa hai lekin hamein ye bardaasht karnaa ke jahaan hamein honaa chahiye tha , wahaan ham nahin—
maseelmaa kazzab kaa daur chal rahaa tha  do qisme hain –
       1.       mehnat waale.
       2.       tobaa waale –
Aaj kal tableegh waale tobaa mein ziyaadah hain – yaani wajoohaat par jo chilaa dein -  maseelmaa kazzab se muaqaablaa mein donon jamaa hain- tobaa waalon mein jamaao hi nahi hai -  mar ye nahi sakte hain , maseelmaa kazzab ke muqaablaa mein donon ekaththe hogaye –
 Ae abu bakar(R A)   hamaari tobah kiyaa hai ?
Farmaayaa tumhaari tobah ye hai ke jis nabuwwat ka tum ne iqraar kiya tha us nabuwwat se jaakar tum muqaablaa karo , wahan marne ki wajah se tobah thi , yahan maut dikhlaayee dee ,  to yahaan tobah ho gayee -  jab log maidaan se bhaagne lage to ek tabqa puraanon kaa kahne lagaa  ke ham se ye baat dekhi nahin jaati ke jahaan ham ko honaa chaahiye  tha wahaan ham naa hon  aur wahaan hon jahaan hamein honaa  na chahiye -  zaid bin khetaab(R A)  aur saalim huzaifah(R A) ne apne aap ko ghutnon se oopar tak zameen mein dabaa liyaa , baaqiyoun ne sochaa ke is tarah maslaa hal nahi hogaa -  aawaaz lagaayee yaa  یا معشرالانصار  ؛abu aqeel ansaari sahaabi(R A) zakhmi pade hue the khisakte hue wahaan tak pahunche , jahaan se aawaaz lagaayee gayee thi  -  aur kahaa ansaar tumne kaam kar ke dikhlaa diyaa thaa ,  ab phir kar ke dikhlaao .
Chaalees hazaar dushman baagh mein mahsoor ho gaye -  ek puraane hazrat baraa bin maalik(R A)  ne kahaa ke mujhe andar pheink do , main darwazah kholunga – pandrah ko qatal kiyaa.nawe zakhm khaaye aaur kewaad khol diye .
Aise seinkdon poori dunya ke naqshon ke badalne ki gaaranti aur zamaanat apne andar liye hue hain is mein muaashirat badlegi – aise makaan aise thikaane phir nahi raheinge , sewaaye marne ke aur swaaye qurbaan hone ke ,  sewaaye islaam aur den ke naqshe qaaim hone ke—
Hazrat umar(R A)  ne farmaayaa ke hazrat khaalid(R A)  ke dil ki chaah bas ek thi , shirk waale zaleel ho jaayein , islaam aur islaam waale chamak jaayein-
Hazrat khaali(R A)  farmaate hain  main Allaah ki raah ki naql-o-harkat ki wajah se quraan paak pooraa na padh sakaa , khudaa ke raaste ki takleef ki raat mein jis ki  subah ko main qatal kiyaa jaaun woh mazah aataa hai jo is raat mein nahin aataa , jis mein ek nayee do sheezah mere nikaah mein aayee ho.
Marte waqt hazrat khaalid(R A) duaa kar gaye,Ae Allaah ;  in buzdilon ko raat ko neend na aaye , ab qurbaani waale jo duaa kar gaye phir hamaari pareshaaniyaan kaise door hon -  har aadmi ko apni satah buland karni hai , qurbaani p ar islaam chamaktaa hai ek qurbaani do naql-o-harkat ke eitebaar se ,ek usool ke ikhtiyaar karne ke eitebaar se –