Ramzan fasting Special Relaxation Care for Laborer worker Servants Hadith command

اس کے بعد حضور ﷺنے ایک اور چیز کی طرف رغبت دلائی ہے کہ آقا لوگ اپنے ملازموں پر اس مہینہ میں تخفیف رکھیں اس لئے کہ آخر وہ بھی روزہ دار ہیں ان کو روزہ میں دقت ہو گی البتہ اگر کام زیادہ ہو تو اس میں مضائقہ نہیں کہ رمضان کے لئے ہنگامی ملازم ایک آدھ بڑھا لے مگر جب ہی کہ ملازم روزہ دار بھی ہو ورنہ اس کے لئے رمضان بے رمضان برابر اور اس ظلم و بے غیرتی کا تو ذکر ہی کیا کہ خود رروزہ خور ہو کر بے حیا منہ سے روزہ دار ملازموں سے کام لے اور نماز روزہ کی وجہ سے اگر تعمیل میں کچھ تساہل ہو تو برسنے لگے وَسَیَعْلَمُ اَلَّذِیْنَ ظَلَمُوْ اَیَّ مُنْقَلَبٍ یَّنْقَلِبُوْنَ( ترجمہ) اور عنقریب ظالم لوگوں کو معلوم ہو جائے گا کہ وہ کیسی (مصیبت ) کی جگہ لوٹ کر جائیں گے (مراد جہنم ہے )